CIS Walks

Fqar u għonja jgħannu

Fqar u għonja jgħannu;
Xjuħ u żgħażagħ jgħannu,
Jagħtu ġieħ lill-Mulej;
Joffrulu l-ħobż, joffru l-inbid,
Lesti li jwettqu kull ma jrid.
Joffrulu l-ħobż, joffru l-inbid,
Lesti li jwettqu kull ma jrid.

Ħares lejn id-dinja, tfittex dak il-hena
Li bħal fjuri tidbiel;
Agħtiha dduq, mill-ħobż u nbid,
U ixħet f’qalbha l-veru sliem.
Agħtiha dduq, mill-ħobż u nbid,
U ixħet f’qalbha l-veru sliem.

Inħobbok f’min hu fqir

Għax ngħid li nemmen fik Mulej
Li mħabbti kollha għalik,
Jekk ma narakx fil-fqir magħkus
Li l-ikbar xebħ jagħtik?

Kif għandi l-ħila ngħid li Int
Tinsab fil-ġmiel tal-ward,
U ninsa ‘l min jinsab fil-għaks
Fil-qtiegħ ta’ qalb, fil-mard?

Kif tista’ qalbi tfur bil-ferħ
W għanjietha tgħolli lejk,
Jekk mogħmi ma nilmaħx li hemm
Imsallab ħija ħdejk?

L-inbid u l-ħobż li jiena nduq
M’humiex se jtuqu r-ruħ
Jekk ma nismax l-għajat maħnuq
Ta’ min jinsab bil-ġuħ!

Mulej inħobbok f’min hu fqir
Li jġegħelni nemmen fik,
Għax nilmħek f’kull min hu magħkus
Li l-ikbar xebħ jagħtik.

Sar iż-żmien

Ara sar iż-żmien, issa hu ż-żmien
Qumu mir-raqda,tieqfux!
Is-saltna t’Alla mhux fil-bogħod, mhux fil-qrib
Is-saltna t’Alla ‘ġa hawn

Jekk il-maħżen imlejt b’ kull xorta ta’ ġid
Jekk il-maħżen ta’ qalbi imlejt
Kif se nwieġeb is-sejħa, is-sejħa tas-sid
Jekk bil-ġid ta’ din l-art jien tgħabbejt?

Ara sar iż-żmien, issa hu ż-żmien
Qumu mir-raqda,tieqfux!
Is-saltna t’Alla mhux fil-bogħod, mhux fil-qrib
Is-saltna t’Alla ‘ġa hawn

Armonija

Arah fil-bard qalil tal-lejl jistenna
Ifittex post ‘il bogħod
Mid-dlam u l-ksieħ
Kulfejn iħabbat m’hemmx
Ħlief djar mimlija
Il-qalb tal-bniedem qisha nsiet kif tħenn.

Arah għaddej mit-triq bid-dwal imżejna
Presepji u pasturi hemm f’kull dar
Minn ġewwa ħiereġ kant u daqq ferrieħi
‘Ma dawl u daqq għalih ma jfisser xejn.

Rit:

Ma jridx jisma’
L-kant sabiħ tal-anġli
Ma jridx l-istilla ssebbaħ
B’dawlha l-lejl
Irid jgħix
Qalb nies jgħixu f’armonija
Irid isib li qalbek taf tħobb
Irid isib li qalbek taf tħobb.

Ninni la tibkix Iżjed

Ninni la tibkix iżjed
Ninni Ġesù Bambin
Ħallih għalina l-biki
Għax aħna midinbin.

Ejjew, ejjew ja anġli
Mis-sema, mija mija
Ħdejn Alla li ħalaqkom
Bambin ġewwa l-fisqija. Rit:

Ejjew taraw b’għajnejkom
Lil Alla Kbir tal-ħniena
Bambin sabiħ u ħelu
Ininni ġo benniena. Rit:

Qed jinfirex mal-widien

Qed jinfirex mal-widien
Leħen l-anġli tas-smewwiet
Għanja ħelwa rahan ta’ ferħ
Qiegħda tfawwar qalb l-għoljiet.

Rit:
Gloria in excelsis Deo x2

Ħallu l-għorfa tajjru n-ngħas
Rgħajja nġabru għall-aħbar
Aħbar tajba riesqa ’l hawn
Kollha ferħ bla qatra mrar. Rit:

Fuq tiben f’maxtura

Fuq tiben f’maxtura, fost bhejjem ġo għar
Imgeżwra fi bċejjeċ ta’ ħrieqi wisq fqar
Hemm ċkejkna tarbija,
Ta’ ħlewwa bla qies, ta’ ħlewwa tas-sema
Li tgħaxxaq in-nies.

Min ġiegħlek tarbija, titwieled hawnhekk
Biex tibda minn issa tinħaqar daqshekk?
Kif ebda qalb waħda ma nstabet li tħenn
Biex f’rokna ta’ kmajra
Toffrilek ftit kenn?

L-għanja tal-ħolqien

Dieħla ġo qalbi
Hena ttini u ħlewwa
Tqattar mimlija
Bit-tagħrif tas-sewwa.

Sabiħa l-ħajja
Meta hi mibnija
Bl-imħabba t’Alla
Li ħalaqha għalija.

Rit: Ħajr nagħtu ’l Alla Għall-ġmiel li hawn madwarna Hu ħejja d-dinja Għalija u għalik.

Dawn l-idejn

Dawn l-idejn ħudhom għalik Mulej
Ħejjihom għal saltnatek fuq din l-art
Int qaddishom o Mulej
Biex fil-qadi għall-Feddej
Ixandru l-bxara t-tajba lill-bnedmin.

Din il-qalb imħeġġa għalik Mulej
L-imħabba ixħet fix-xogħol tal-idejn
Fit-taqbida ta’ kuljum
Kun għalihom kenn u tmun
Biex jaqdu lill-Ispirtu u lill-Missier.

Jekk Jitgerrbu l-Għoljiet

Rit: Jekk jitgerbu l-għoljiet
U l-muntanja ssir trab
Imħabbet Alla żgur qatt ma tinħatt
Tibqa’ hemm għal kull min Isejjaħlu ħin xħin
Għannu s-sebħ u l-ġmiel tal-Mulej.

Jista’ qatt jiċħdek Alla,
Jista’ Alla jinsa jħobb
Forsi omm tinsa ’l binha
Żgur li Hu ma jinsiek qatt. Rit:

Ħdejk jien ġejt Mulej

Jien tas-sema u l-art is-sid
Smajt ta’ ġensi d-dmugħ u l-krib
Kull min jgħix fid-dlam u d-dnub
Neħilsu fis.
Jien li ħlaqt il-kwiekeb sbieħ
Dlam f’dawl nibdel minnfih
Min se jwassal dan id-dawl?
Nibgħat lil min?

Rit:
Ħdejk jien ġejt Mulej
Lili trid, Mulej?
Leħnek smajtu fil-ħemda tal-lejl
Jien immur fejn trid
Jekk tmexxini Int
F’qalbi ngħożż il-poplu l’ Int għażilt.

Ħudni f’idejk

Dil-qalb, dal-moħħ, dal-ġisem, dir-ruħ
Nixtieq nagħtik, o Mulej
Dal-ġisem li tajtni noffrilek jien irrid
Ħudni f’idejk, o Mulej.

Inti Missierna

Inti Missierna li inti fis-sema
Jitqaddes ismek, tiġi saltnatek
Ikun dak li trid inti
Fis-sema hekkda fl-art
Ikun dak li trid int
Fis-sema hekkda fl-art.
Ħobżna ta’ kuljum, agħtina llum
Dnubietna aħfrilna bħalma naħfru
Lil min hu għalina ħati
La ddaħħalniex fit-tiġrib
Iżda eħlisna mid-deni u t-tiġrib.

Il-mibgħut

Inti t-triq u l-ħajja,
Inti l-verità,
Inti li tmexxini lejn il-libertà,
Inti li għaziltni biex nimxi warajk
U nitgħallem minnek
Nagħmel dak li Alla jrid.
Ridt li tibqa’ fija u jien nibqa’ fik
Ħalli nġorrok dejjem ġo fija.

Inti kont li għażiltni,
Mhux għażiltek jien,
Ħtartni biex tibgħatni nxandrek kullimkien.
Fuq il-pala ta’ idejk, ismi int naqqaxt,
Wgħedtni illi waħdi Inti ma tħallini qatt.
Kemm-il darba għejjejt u ħrabt,
Int ma tlaqtni qatt
U bqajt dejjem tiġri warajja.

Lilek Mulej tifħir u glorja

Lilek Mulej tifħir u glorja. x4

Għall-ħlejjaq kollha li inti tajtna
Ix-xemx u l-qamar li l-ħajja jdawlu
L-ilma u x-xita li l-frott isaħħu
Il-ġonna s-siġar li d-dinja jlewnu. 

Lilek Mulej tifħir u glorja. x4

Il-belt t’Alla

Mir-raqda fis qum
u ngħaskom tajruh
jum ġdid qed iżernaq
għal min jgħix fid-dmugħ.